La Fundación Aladina y Trabanco entamen un eventu solidariu pa recaldar fondos pa humanizar la fastera de Pediatría del Hospital Universitariu Cientral d’Asturies (HUCA)
LA SIDRA.- El prósimu vienres 19 d’ochobre cellebraráse un eventu perespecial nel Llagar de Trabanco en Sariegu (Camín de los Matos 142). Sedrá una cena solidaria na que’l 100% de la recaldación dirá destinada a la Fundación Aladina pal proyeutu que va llevar a cabu nel HUCA.
L’oxetivu d’esta collaboración ye algamar los fondos precisos p’afayar la Fastera Pediatría y consiguir que l’hospital onde los más xóvenes llanten cara al cáncanu seya un espaciu allegre, amable y guapu. Los piqueños guerreros llucharán escontra la enfermedá nun entornu apináu d’enerxía. La Fundación Aladina, que dende va yá 13 años aída a neños malos de cáncanu y a les sos families, tien especial pricuru con esta triba intervenciones, pues conoz de primer man la importancia de que los neños malos y los sos familiares tean n’entornos afayaízos y alcordies a la so edá mentes tan hospitalizaos.
El preciu del cubiertu ye de 50 €. Un serviciu tresporte saldrá d’Uviéu (Plaza d’América) y otru de Xixón (Plaza’l Carme) a les 21 hores. A les 21:30 escomenzará una velada solidaria perespecial nel Llagar de Trabanco en Sariegu. La recepción fadráse na terraza con unos aperitivos y una espectacular mesa quesos que tarán acompangaos del vermú blanco Alma de Trabanco y Poma Áurea, sidra brut de Trabanco. Arrodiaos de los tonelonos de maera de castañal onde la sidre reposa escomenzará la cena con un Carpaccio de gambes y una Crema de setes silvestres con cruxentes de xamón. Continuará con Merluza a la sidre. Nun alrodiu tan singular la sidre sedrá espichao direutamente e tonel. El postre escoyíu, caseru y perasturianu, sedrá Arroz con llechi y xeláu caseru de mazana asao. La cena tará amenizada pola música d’un DJ. El ramu pondrálu la coctelería de Varsovia, collaboraores de la nuechi. Una velada solidaria que tamién cunta cola collaboración de: El Invernadero, Mercedes Blanco, Transportes Recollo, GRG, Global Rent, Siapro Eventos, Exclusivas Luis Vega.
P’asistir tien de faese’l pagu per alantráu a la cuenta bancaria de la Fundación Aladina indicando “Cena benéfica” asina como’l so nome y apellós. Pa reservar plaza nel tresporte ye imprescindible confirmar per teléfonu: 677985036 o vía corréu lletrónicu: w.sarandeses@aladina.org, enantes del 16 d’ochobre.
