Los pumareros y llagareros coinciden en qu’esti añu ta siendo de “récor” pola cantidá y calidá de la mazana.
LA SIDRA.- Esta temporá, la collecha n’Asturies ta siendo estraordinaria. Más de 100 races de mazana de pumaraes asturianes van emplegase na Sidre d’Asturies DOP.
Esto débese a unes condiciones climatolóxiques escepcionales que garanticen una collecha meyor inclusive que la de 2015, considerá como hestórica, con 3.769.754 quilos de mazana DOP recoyíos.
Blanquina, Raxao, Regona, Durona de Tresali y Collaos son dalgunes de les races de mazana que van llegar al nuesu cielu la boca en forma sidre con Denominación d’Orixe.
Ye fundamental que’l consumidor de sidra natural DOP tea conocencia que non yá ta mercando un produtu de másima calidá, sinón tradición, apostando pol mediu rural y el caltenimientu del paisaxe asturianu.
