El grupu madrilanu tornará a aconceyase pa fortalecer llazos por mediu la sidre y la gastronomía patria.
LA SIDRA.- El prósimu sábadu 16 de xunu rializaráse en Madrid una nuea espicha de “Astures en Las Rozas”, una asociación entamada al traviés del canal de Facebook que lleva esti mesmu nome y que yá’l sábadu 2 de xunu entamó’l I Alcuentru de l’Asociación. El grupu cunta con cuasique un cientu participantes y entamen estremaes actividaes demientres l’añu.
Una d’elles foi la espicha que tuvo llugar nel “asador de Bulnes”. L’establecimientu hosteleru fo’l llagar escoyíu pa que los miembros del colleutivos se congregaren cuasique na so totalidá. Ellí debatieron y charraron alrecior de la sidre “pata neegra” de Trabanco, que ta ellaborao con Mazana d’Escoyeta y que nesta collecha ta acoyía a la Denominación d’Orixe Protexía.
Na espicha, amás, pudo esfrutase de la gastronomía asturiana nesti llocal, asitiáu nel polígonu d’Európolis, incluyía la seleición de carnes de “El Capricho” de la que cunten na so carta. La fin de fiesta nunpudo ser meyor cola interpretación del “Asturies patria quería” por parte del músicu y gaiteru Jos´A. Hevia que foi ún de los asistentes, vecinu d’esti conceyu y que quinxo amestase como ún más a la iniciativa.
