L’autor, William Bostwick desplica como la sidre ta llegando a los restoranes y bares de vanguardia de los Estaos Xuníos.
LA SIDRA.- William Bostwich espublizó’l pasáu 21 de setiembre un artículu nel que trata sobro la sidre que s’ellabora nel Estáu español, faciendo énfasis especial n’Asturies, y cómo esta bébora, pasu ente pasu, ta faciéndose un buecu dientru’l complicáu mercáu estauxunidense. Nel so reportaxe podemos atopar estremaes voces, darréu qu’entrevista a presones que caltienen rellación col seutor.
Escomienza cuntando la hestoria de Max Toste, propietariu d’un bar en Allston, Massachusetts. Sigún rellata, la mayoría de lws sidrws que Toste había prebare yeren “dulzapayes” y poco complexes. Por embargo, un bon amigu suyu dio-y a prebar, rellata “una botella con corchu, de vidriu verde y con una etiqueta indescifrable”. La sos sospresa foi al prebar el llíquidu del so interior: “dispidía fueos artificiales de saborgu: picantes, tarrosos, con secante. Nun podía creyer lo complexo que yera” escribe Bostwich y continúa: “Toste alcontrare sidre y continuó faciendo un entusiassta estuciu sobro’l tema. España cultiva centenares de races de mazanes, 200 n’Asturies. Trátase de mazanes que pol so saborgu nun se puen comer crúes, sigún indica Max Toste”.
Nel mesmu artículu, Bostxich propón siete botelles pa, diz, “saborguiar esta seronda”: Trabanco Cosecha Propia, Guzmán Riestra Sidra Brut Nature, Sidra Natural Riestra, Isastegi Sagardo Naturala, Viuda de Angelón Sidra de Pera, Viuda de Angelón 1947 Sidra de Nueva Expresión, y Bordatto Basa Jaun. De les siete, como s’aprecia, cinco son asturianes.
El periodista amás siñala: “los meyores llugares p’alcontrar estes sidres n’América [refiriéndose a los EEXX], son una nueva xeneración de restoranes que pretenden dar una imaxe más ‘matizada’ de la comida española, la que va acullá de les tapas y les paelles. Una combinación de la nueva cocina española y veceros dimpuestos a esplorar saborgos más aventureros. Son ellos los que tresnaren l’escenariu pa que la sidre gane tarrén equí” desplica William Bostwich.
