Tres la xornada de “Cancios de Chigre” d’ayeri, la Fiesta de la Sidre de Xixón llega al so díi grande cola entrega del Tonel d’Oru, la Preba y el Concursu de sidre.
VER SEMEYES DE LA XORNADA D’AYERI
VER ACTUACIÓN DE L’ASOCIACIÓN DE COROS Y DANCES XOVELLANOS
LA SIDRA.- Güei a les 12:00 entama la postrer y principal xornada de la Fiesta de la Sidre de Xixón, col afayaivos de les autoridaes a los llagares participantes y la entrega del Tonel d’Oru a Cesar Agüera pola so trayeutoria al frente de sidre Cabueñes.
Los primeros culinos echaránlos lo llagareros de PIñera y Canal, ganaores de los premios del xuráu y el públicu respeutivamente, y darréu los 20 llagares participantes escomenzarán a echar sidre a los asistentes fasta les 3 de la tardi, metantu’l xuráu oficial y el del públicu preben la sidre y van escoyendo la sidre ganaora nes sos respeutives categoríes.
La música pondrála la banda gaites “Villa de Xixón” qu’afechará la preba cola interpretación del “Asturies patria quería”. Pel so llau, el Mercaín de la sidre y la mazana siguirá abiertu fasta les 22 hores, y tamién se cuntará coles actuaciones del grupu folclóriu “L’Alegría” (13 hores nos Xardinos de la Reina) y el grupu coros y dances “Flor de Xaranzaina” (Plaza Italia, a les 13:00)
