Esti domingu 6 d’agostu, cellebraráse nel Prau del Salcéu ún de los eventos más sidreros d’Asturies, qu’esti añu tendrá una versión pa neños, el Xirinfantil
LA SIDRA.- La ciudá de Pravia, antigua capital del reinu d’Asturies, cellebra como tolos primeros domingos d’agostu una romería de les de verdá, nel Prau del Salcéu, a la oriella del ríu Nalón, onde les peñes armen casetes nes que se sirve sidre de contino, dando llugar a una de les folixes más sidreres del país.
Esti añu, el Xiringüelu tien versión pa neños, el Xirinfantil, qu’ente otres actividaes deprende a los neños a armar casetes, y que cunta con taller y concursu d’enllenáu de bañeres (pa esfrecer la sidre) y d’echar sidre los neños. Una perbona iniciativa pa que nun se pierda l’espíritu sidreru d’un eventu popular qu’añu ente añu va a más.
P’apuntar a los neños: xirinfantil@gmail.com
