La programación oficial del Arcu Sidreru Atlánticu entama güei, con la naguración de la esposición de semeyes LA SIDRA
LA SIDRA.- Anque la carpa sidrera ta abierta de magar les 12 del meudíi con una amplia ufierta de productos sidreros de tol arcu atlánticu, los actos públicos tan programaos pa pela tardi, y consistierán na esposición de delles de les semeyes ganadores del X Concursu Semeyes LA SIDRA, y continuará a les 19:30 cola charra “La sidra na fotografía”. impartía por Luis José Vigil-Escalera Quintanal. Fotógrafu especializáu na sidre y el so alrodiu, con estremaos premios nacionales ya internacionales nel so haber, miembru de la Confederación Estatal de Fotografía y presidente del X Concursu Semeyes LA SIDRA.
Darréu intervendrá’l diseñaor Joaquín Whitter, autor de la nueva etiqueta de Sidra El Duque, que desplicará les principales carauterístiques del so diseñu, y la visión que se pretende tresmitir, repartiendo ente los asistentes una edición perllimitada d’etiquetes firmaes pol autor.
A la fin, tendrá llugar una degustación de sidre y quesu ocitanu, darréu que güei ye’l díi dedicáu a esa llingua dientru la programación “La mar de llingües” qu’esti añu dedica l’Arcu Atlánticu a les llingues amenorgaes.
