Salvador Ondó ganó la tercer preba del Campionatu d’Echaores d’Asturies cellebrada en Bimenes.
LA SIDRA.- L’actual campión d’Asturies d’Echaores, Salvador Ondó quedó’l primer clasificáu nel concursu cellebráu en Bimenes coincidiendo cola fiesta de la Oficialidá, tercer preba de la XIV edición del Campionatu d’Echaores d’Asturies.
El concursu cuntó con importante seguimientu de públicu y con munchu nivel por parte los 31 concursantes. La clasificación quedó como vien darréu:
1 Clasificáu Sanvador Ondó 116,10 puntos
2 Clasificáu Jeison Franco 115,80 puntos
3 Clasificáu Jorge Vargas 115,70 puntos
El Campionatu d’Echaores d’Asturies ye agora mesmo una cita ineludible pa los amantes del nuesu productu más universal. Dirá desendolcándose a lo llargo d’estos meses fasta’l mes de payares, nel que sedrá proclamáu’l nueu Campión d’Asturies. Esti eventu ta entamáu pola Asociación d’Echaores d’Asturies y cunta col patrociniu de Caja Rural, el CR DOP Sidre d’Asturies y OTEA, ente otres entidades.
