La versión del “Súbeme la radio” d’Enrique Iglesias, afayada por Jony Llera arrasa nes redes sociales.
LA SIDRA.- Rializada en collaboración con “Al Platu Vendrás”, el “Súbeme la sidra” ye agora mesmo l’auténticu canciu del branu asturianu, con alrodiu de 300.000 reproduciones en facebook, y una amuesa más de la vitalidá de la cultura asturiana de la sidre, y de como ésta mos identifica como asturianos.
Cola lletra nun chapurriáu que “manca los oyíos”, lo cierto ye que consigue afayases perfechamente a la música orixinal, a lo qu’hai d’amestar lo acertao del vidiu-clip ellaboráu, que suple con muncho otres posibles deficiencies, arriendes d’ello, tanto los medios de comunicación asturianos como la xente en xeneral tan faciendo un bon llabor d’espardimientu del mesmu, colo que se consigue reivindicar la cultura asturiana de la sidre, y les folixes de prau, en pelligru énte tanta feria d’abril “municipal” y tantes comisiones de la SGAE.
Un bon momentu pa remembrar el vidiu de LA SIDRA, el de Ladino, con más de 1.000.000 de reproduciones.
