La prósima edición del Salón Internacional de les Sidres de Gala (SISGA / IHGC) cuntará con importantes novedaes y una mayor participación de llagares de tol mundiu.
LA SIDRA.- Añu ente añu el SISGA / IHGC va medrando n’interés y participación, de tala miente qu’a estes altures yá podemos confirmar la presencia de nuevos llagares d’Alemaña, Reinu Xuníu, Francia y España, y per primer vegada tamién de Xapón. Ente los participantes ye de solliñar la presencia de los llagares Lion Ciders, Macgleo y Colemans Cider Company, y el xaponés Tamura Farm.
El VII Salón Internacional de les Sidres de Gala cellebraráse en Xixón del 28 de setiembre al 1 d’ochobre ya incluirá como davezu los Premios SISGA / IHCG, Cena Gala, Xornada de Tastia Abierta y Xornada de Sumilleres pa profesionales del seutor. Un ampliu Programa que se complementará esti añu col I Alcuentru de periodistes y bloggers especializaos, nel que s’afondará nel tratamientu informativu que recibe la sidre nel tarrén nacional ya internacional. Arriendes d’ello, la Cena Gala sedrá precedía por una orixinal actividá empobinada a resaltar la rellación ente la sidre y l’alta gastronomía, que per agora caltendremos como sospresa.
