L’Agrupación Asturiana de Grevenbroich cellebrará el domingu 4 de xunu la so tradicional Fiesta de la Sidre.LA SIDRA.- L’eventu vien cellebrándose dende 1999 pesia’l pocu sofitu del “Principado”, y esti añu tendrá llugar nel parking der REAL (Am Rittergut 1 – 41515 Grevenbroich-Noithausen). Trátase d’una fiesta na que participen non solo los asturianos emigraos n’Alemaña, sinon tamién el colleutivu español y alemanes en xeneral.
Curiósamente l’eventu preséntase como Fiesta Tradicional Española, lo que de xuru xenerará simpátiques contradiciones al ver l’ausencia de faralaes, flamenco, vino, sevillanes, toros… y restu de folclorismos colos que davezu s’identifica a tolos pueblos del Estáu español. Fortunosamente los asistentes al eventu toparán ellí música y baille del país, y sobro too muncha sidre pa esfrutar.
El preciu de la entrada sedrá de 10 € na caxa d’entrada y de 7 € na venta anticipada nel llocal de l’Agrupación Asturiana fasta’l sábadu 3 de xunu.
(Visited 2.894.434 times)
