La que debiere ser una entidá referencial del mundiu la sidre sigue al debalu.
LA SIDRA.- Pesia l’anuncia fecha nun entamu, l’aconceyamientu de la Fundación de la Sidre decidió escecese del nomamientu d’un direutor y contratar un serviciu d’asistencia téunica, que lleve alantre les meyores que se quien faer nel equipamientu en función del presupuestu col que se cunte y qu’agora mesmo ta alrodiu de los 10.000 euros.
Con esti determín el Muséu de la Sidre de Nava continúa al debalu, ensin direición que igüe la promoción y la xestión cultural del mesmu, y desacreitándose díi ente díi, precisamente nunos intres nos que dende’l “Principado” anuncien de nueu la reactivación de la candidatura de la Cultura Asturiana de la Sidre como Padremuñu Imaterial de la Humanidá ente la UNESCO (anunciada pol “Principado” en 2010 y fasta agora ensin presentar)
Sigún l’alcalde navetu, Juan Cañal, l’añu pasáu hebio 17.000 visites, pero l’aspiración ta en llegar a les 30.000 añales. Bonos propósitos hailos, direutor non.
