El caberu díi de la PSLA, nel que tendrá llugar l’esperaísimu Concursu de Sidre Casero fecho en Maera, la entrada sedrá de baldre pa tolos que vaigan en bicicleta
Pal domingu 16 la PSLA tien un programa bien apretáu y enllenu d’actividaes prestoses, pente la qu’ensin dubia la más esperada ye’l VI Concursu de Sidre Casero fecho en maera, al que se pueden presentar tolos llagareros non profesionales del territoriu hestóricu asturianu qu’ellaboren la so sidre con toneles de Maera. La entrega botelles -6 por concursante-, que nun llevarán identificación, podrá realizase fasta’l 16 d’abril a les 12:30 hores, nel Muséu del Pueblu d’Asturies, ya que la tastia por parte del xuráu entamará a la una. Dempués de la entrega de premios toos podrén tastiar la sidre presentao al concursu.
Anantes, de magar l’apertura de la PSLA a les 12, los visitantes podrán esfrutar d’una visita guiada y desplicada a tol Muséu del Pueblu d’Asturies.
A les dos y media tendrá llugar la entrega Premios del Concursu de Sidre Casero y Meyor Semeya del Sidracrucis y de magar les tres de la tardi ta programada la recepción a los bicicleteros de “30 díes en bici” y en sofitu a esti prestosu proyeutu la entrada sedrá de baldre pa quien venga en bicicleta a lo llargo de tol díe.
Otres de les actividaes que se fadrán a lo llargo la xornada son una mayada de sidre con repartu de sidre’l duernu y un Pebidal nel que neños y mayores podrán llantar les sos pebides de pumar.
PROGRAMA 16 D’ABRIL
12:00 ESPICHA ABIERTA. Con sidre de más de 70 llagares. Esti añu tamién sidre ensin alcohol y sidre’l duernu.
12:00 Conoz el Muséu del Pueblu d’Asturies. Visita guiada.
13:00 Mayada de sidre polos neños asistentes
13: 00 VI Concursu de Sidre Casero.
14:00 Pebidal. Llanteru pa neños y mayores de pebides de pumar.
14:30 Entrega Premios del Concursu de Sidre Casero y Meyor Semeya del Sidracrucis
15:00 Preba de Sidre Casero
15:00 Recepción a los bicicleteros de “30 Díes en Bici”
15:30 Faciendo paxos nel escenariu pa neños y mayores.
16:00 Tastia Guiada de sidre del Llagar Mayador a cargu de Manuel G. Busto y de Mallus Masculim por Donato X. Villoria
Actuaciones de la Bandina Gaites de Noreña
