Énte l’alderique xeneráu alrodiu’l preciu de la botella sidre, optemos por facer una encuesta pa conocer lo qu’opinen los nuesos llectores.
LA SIDRA.- Sigue l’alderique sobro’l preciu la botella sidre, y nun paez que seya fácile aportar a un alcuerdu, por eso atrevémosmos a dir un pasu acullá ya invitamos a tolos nuesos llectores a participar nesta encuesta sobro como ven el preciu de la botella sidre, pa conocer cuala ye la opinión más xeneralizada.
A la escontra de lo que nun principiu pudiere paecer, esti alderique non solo ye una amuesa del calter identitariu de la nuesa bébora patria, sinon tamién una amuesa de la vitalidá de la cultura asturiana de la sidre, porque a la fin lo que ta en xuegu nun ye pagar un euru más o menos, lo que ta en xuegu ye’l mesmu conceutu de la sidre como bébora popular, y la so evolución en cuantes a calidá y espardimientu.
Invitámosvos a participar. Tamién podéis atopala a la mandrecha na nuesa páxina… los resultaos pue que sosprendan.
