COEMASTUR y LA SIDRA entamen un concursu pa diseñar un Isidrín.
LA SIDRA.- L’Isidrín yé muncho, y amás aveza a amarutase pa la ocasión, por eso, pa esti San Valentín, COEMASTUR, la empresa del Isidrín, en collaboración cola revista LA SIDRA venimos de convocar un orixinal concursu nel que namás tienes d’unviar una semeya d’un Isidrín decoráu por tí y entrar nel sortéu d’un esclusivu y elegante echaor llétricu valoráu en más de 100 €.
El nome del ganaor y la semeya ganaora daráse a conocer nel númberu del mes de marzu de la revista LA SIDRA, y si vives fuera d’Asturies, nun t’esmolezas, porque unviarémostelu de baldre al to domiciliu.
Nel concursu podrán participar toles presones mayores d’edá que dean “Me gusta” a les condiciones del concursu y podrá participase fasta’l 14 febreru y el martes 16 de febreru yá se dará a conocer el nome del ganaor y el premiu podrá ser reclamáu pol mesmu fasta’l 28 febreru d’esti añu.
Pa cualisquier dubia, o consulta, tenéis el corréu lletrónicu: coemastur@coemastur.com
