La sidre y el pote asturianu conviértenese en nuevos emblemes del conceyu.
LA SIDRA.- Yá lo decía Tino Cortina, presidente del CRSOP Sidre d’Asturies, na presentación de la collecha 2016 nel recintu ferial de la llocalidá. “Mieres ye un entornu sidreru por escelencia, la xente equi vive la sidre” afirmó a finales de xunu. Y paeciera que de magar esi díi Mieres del Camín se convirtiere nun de los principales sofitos pa la cultura sidrera y, agora tamién palos guisos tradicionales de la gastronomía asturiana.
La selmana pasada anuncióse que’l plenu dle Ayuntamientu sofitó la moción de Somos Mieres pa que la sidre yea la bébora isititucional. Y agora, el “Principado” anunció que la fiesta del Pote de Turón foi declarada como d’Interés Turísticu Rexonal. Dambes coses foren enforma bien recibíes polos vcinos y vecines del conceyu. Demientres los postreros meses yá esistieren varies iniciatives sociales porvinientes de los hosteleros nes que se dotaba a la nuesa bébora de la rellevancia que siempres tevo nel país. Per exemplu, los negocios de la plaza El Requexu padrocinaren el I Alcuentru Llibre de Cancios de Chigres. El díi escoyíu pa realizalu fo’l tan siñaláu 8 setiembre.
“A los participantes entregaráse-yos una botella sidre y un bollu preñáu. Hai concursos nos que se entrega una botella vinu, pero pa nós, la tradición Ye la sidre” siñaló d’aquella l’intérprete José Manuel García, coordinaor del alcuentru. El cantante desplicó qu’esta amuesa ye una forma de caltener vivu’l vezu de canciar nos chigres.
