L’escritor y profesor d’Hestoria Waldo Acebo Meireles describe cómo ve la nuesa bébora patrio nel so testu: “’Tournée’ para entendíos”
LA SIDRA.- “Dexémos-yos los Velázquez, coles sos consabíes Meninas y los sos maraviosos Borrachos a los qu’entienden d’eses menugancies; los Goya, Grecos, Sorolles y eses maravíes del Bosco que nel Muséu del Prau esperen polos entendíos. Meyor conozamos que les fabaes asturianes nun se faen con xudíes sinón con fabes y que precisen obligatoriamente del delicáu azafrán (…)” Asina escomienza’l so artículu Waldo Acebo, articulista del mediu de comunicación ‘Cubaencuentro’ na que se publicar una gran cantidá de noticies, reportaxes, ensayos, cróniques, etc., rellacionaes col citáu país. Elli rializa tou un percorríu por distintos llugares del Estáu español eponderando, ente otres coses, los sos productos gastronómicos más emblemáticos.
Y por supuestu, cuando llega a Asturies, la mayoría del so escritu tien rellación cola nuesa bébora tradicional: “N’Uviéu con esi clima casi londinense, onde l’orbayu obliga a paragües reticentes, pase vusté pwla catedral y pwla plaza d’al llau, pero ensin mirar pa tras baxe a tou dar fasta Gascona, salude rápido la estatua de la xitana qu’ellí lu espera y adiéntrese nesi mundu inesperáu de la sidre.
Ta vusté nel Boulevard de la Sidre onde los camareros echen la bébora dende l’altor másimu del so brazu a un piqueñu vasu que cuasique escuenden cerca de les sos rodíes, el xuegu de malabares ruempe, como ellos dicen, la sidre y vusté tien de tomála d’un solu tragu, el restu, si ye que queda, va embaxo llanzada por esi camareru qu’en portentu d’equilibriu échate’l to nuevu tragu.
Nun se quede ellí, avance más abaxo y entre n’otra y otra y otra y otra sidrería, y prebara distintos tonos de la maxa d’esa sidre natural que ná tien que ver cola que conocíemos. Y cuando entienda que nun ye saludable una sidre más pos penetre nos menús qu’ufierten picadiellu de xabaril y otres delicadeces d’esi rústicu tonu. Nun dexe de prebar los frixuelos con una fina zucre espolvoriscada”. L’artículu completu pue consultase en: http://www.cubaencuentro.com/internacional/articulos/tournee-para-entendíos-328480disqus_thread
