Cola entrada del nuevu Gobiernu español espérase qu’hebia cambios en cuantes a les midíes y marques de calidá de dellos productos, ente ellos la nuesa bébora autóctono.
LA SIDRA.- Dellos son los alimentos que tán a la muera de les nueves regulaciones que va tener que llevar a cabu’l Gobiernu entrante. Son propuestes qu’enantes fueron notificaes a la Xunión Europea y que, previsiblemente, redactaránse en prósimos meses. Una d’elles cinca a la sidre. Asina lo espón el responsable del Departamentu de Drechu Alimentariu del centru teunolóxicu d’I+D+I alimentariu Ainia. Nel so espaciu online anunciaron apocayá:
“Norma de calidá de la sidre natural y de la sidre
Tres décades d’esistencia de l’anterior normativa (1979), procederá a actualizase, tantu dende’l puntu vista regulatoriu, como dende’l teunolóxicu. El proyeutu simplifica, moderniza y valoriza les normes esistentes, asina como la meyora na competitividá del seutor, ensin escaecer lo rellativo a la información que tien de tresmitise al consumidor. La futura norma de calidá de la sidre apurre nueves definiciones de productu d’interés, tantu pal consumidor, como pa la industria, por casu, ente otres:
Mostiu de mazanes conxelaes: productu llográu de la molienda, maceración o prensáu de mazanes conxelaes, con un grau Brix igual o superior a 25.
Mostiu conxeláu de mazana: productu llográu de la conxelación del mostiu natural de mazana, con un grau Brix igual o superior a 25.
Al tratase de la revisión d’una dimposición con cuasique 40 años de vixencia, convien una revisión detallada del nuevu testu, una vegada espublizáu nel BOE.”
Pa más información sobro otros alimentos na mesma situación como les fariñes o la cerveza axuntamos l’enllaz: http://www.ainia.es/tecnoalimentalia/legislacion/legislacion-alimentaria-4-reales-decretos-que-tienen d’aprobase-nuevu-gobiernu/
