El xueves 22 va realizase un taller de camisetes “con cencica” y el 23 van tocar “Los Buscavidas”.
LA SIDRA.- L’Asociación de Sidreríes de la cai Gascona d’Uviéu amestóse a la programación festiva na ciudá con diverses actividaes pa tolos públicos y edaes. El vienres 23 de setiembre “Los Buscavidas” van interpretar los cantares más representativos del pop rock del panorama estatal.
Pa los neños, na carpa istalada xunta’l tonel -emblema representativu del bulevar de la sidre-, va realizase’l xueves 22 los talleres de camisetes “con cencia” na que los participantes, de magar los 3 años, van averase a la cencia al traviés de l’actividá. Esti taller, impartíu pol “Mostru Curiosu” ye un proyeutu de la Universidá d’Uviéu cofinanciáu pola Fundación Española pa la Ciencia y la Teunoloxía. Hai qu’iscribise una hora enantes na carpa tonel yá que los grupos son reducíos. Los horarios son de 11:00 a 11:45 y de 14:00 a 14:30
L’Asociación de Sidreríes de la cai Gascona tien como oxetivu apurrir actividaes festives populares a les cellebraciones de la ciudá y con cuenta de siguir calteniendo’l llideralgu hosteleru n’Asturies rellacionáu cola bébora emblemático d’Asturies, la sidre, y la meyor gastronomí’l país.
