Cellebróse na Casa de La Palmera y cuntó cola presencia de Jorge González-Palacios, xerente de Divertia Xixón, Teresa Sánchez, direutora del Teatru Xovellanos; y José Ramón Taranco, de Llaboral Kutxa.
LA SIDRA.- Esti eventu va cellebrase del 20 al 28 d’agostu. Demientres la cellebración, na ciudá entamará un auténticu homenaxe a la nuesa bébora por escelencia.
Los llagares participantes son: Panizales, Orizón, Trabanco, M. Vigón, Menéndez, Buznego, Camín, Samartín de Güerces, Castañón, Llagar de Castiellu, JR L’Altu L’Infanzón, Frutos, Piñera, El Gobernador, Cabueñes, Canal, Los Gemelos, Vallina, Acebal, L’Allume, Llagar de Castiello Bernueces, Arbesú, Peñón y La Llarada.
Tamién van tener llugar distintos actividaes como un taller d’echáu de sidre’l miércoles 24 en Campu Valdés. Va Correr al cargu de Loreto García, mayestra sidrera y Campiona d’Asturies 2009. Tamién va tar Enrique Tuya, cordinador del Campionatu Oficial d’Echaores.
La música nun falta, Taranus va dar un conciertu na Plaza Mayor a los diez de la nueche. Esti grupu ye pioneru nel folk-metal, y yá ganaron en 2013 el Premiu al meyor cantar’.
Tamién se van rializar visites a los llagares más emblemáticos de Xixón y l’Asociación El Barriu la Sidre va entamar una gran romería urbana del xueves 25 al domingu 28 nel Parque del Tren de la Llibertá (nel agora Solarón onde enantes taba la RENFE).
