Sidre galesa y bretona n’An Oriant.
LA SIDRA.- Nesti Festival Intercélticu al que LA SIDRA averóse dientru de la dellegación asturiana, comu tolos años atopámosmos colos llagareros más internacionales de toos, que s’averen ca añu a tolos eventos d’Europa pa promocionar los sos productos de la más alta calidá pente’l más esquisitu públicu, y ye aquelli que yá conoz y esfruta de la sidre de les naciones celtes.
De Gales atopamos la sidre del cuélebre prietu o Black Dragon cider, siempres presente na so carpa y una de les sidres del oeste d’Europa con más calter y más afitao nesti festival, escluyendo claru ta a la propia sidre bretona. Ye esta la qu’algama la so másima espresión, atopándose dende nos comeores onde xinten les dellegaciones, patrocinando concursos de bagads y gaites, nes carpes, bares y puestinos de productores llocales qu’hai perdayuri.
D’otros años tornamos a atopanos con marques tan destremaes en saborgu ya esencies comu puen ser les del llagar Gwynt y Draig, con un nivel mediu d’alcohol (seyes graos) pero con un tastu potente ya únicu que rescampla pente les demás sidres.
