La primer preba de sidre casero resulta tou un ésitu, con 300 vasos vendíos.
LA SIDRA.- Entamada pola Asociación de Vecinos San Salvador, participaren una docena llagares caseros, de Priendes, Perlora, Candás, y Lloguerzana qu’ufiertaron la so sidre a los asistentes –dos caxes caún-, nesta primer preba cola que quieren dar pasu pal añu viniente a un Concursu de Sidre Casero de Carreño, que-yos permita a los tres primeros clasificaos participar nel Concursu de Sidre Casero d’Asturies.
La preba tuvo llugar na fastera d’arruelu de Les Escueles de Perlora, nel barriu La Pedrera, col únicu requisitu de mercar el vasu -2 €- que daba drechu a esfrutar de la sidre participante. A tolos llagareros apurriéronse-yos 250 corchos, un vasu comemorativu y un diploma certificando la so participación.
L’eventu cuntó col padrociniu del Ayuntamientu y la collaboración de Fruticultura Félix de Xixón y Tudela Veguín.
