Dos frescos cócteles pa nun vencer poles altes temperatures y esfrutar con sidre.
LA SIDRA.- Tamos pasando por una afogadiega fola de calor. El mercuriu del termómetru nun dexa de xubir y paez que la meyor opción ye correr a la sablera pa damos un bon calumbón. Dende la revista LA SIDRA insistimos na importancia de hidratamos costantemente bebiendo muncho augua, buscar siempres la solombra y usar protector solar.
Dexando nidio lo anterior, tamién vos proponemos dos frescos cócteles porque asina comu “les penes con pan son menos” pos “el calor con sidre tamién ye menos”. Y, amás de la natural, tamién podemos consumir nos siguientes preparaos que los profesores del CIFP d’Hostelería y Turismu de Asturies, Juan Luis García y Pablo Ramos, crearon pa la nuesa revista y que nós yá espublizemos fai un par de meses. Pero qu’agora, con esti calor, prúin más que nunca. El primeru ye un tipu de sangría de sidre, pero eso sí, coles cantidaes idegales pa que tea equilibrada. El segundu ye un mojito, y comu’l so propiu nome indica, en llugar de ron, lleva un auguardiente de sidre, y, tamién, sidre brut.
‘Trasiegu 2016’
- 5 cl de vodka 3
- 3 cl de xarabe (almíbre)
- 10 cl de zusmiu de mazana ecolóxico
- 1 golpe d’angostura
- 10 cl de sidre Frutos
- Decoración: mazana osmotizada con vodka y sidre natural.
‘Sidrejito’
- ¼ de mazana verde
- Zusmiu d’una llima
- 2 cuyaraes de café d’azucre moreno
- 8 fueyes de menta
- 3 cl d’Auguardiente de l’Alquitara del Obispo blancu
- Completar con sidre brut.
