Los llagares Viuda de Angelón, Castañón, Pomaradas y Llagares de Sariegu, Martínez Sopeña Hermanos, Paca y Tola y Casería San Juan del Obispo fueron galardonaos.
LA SIDRA.- Nava yá escomenzó coles celebraciones del XXXIX Festival de la Sidre. Ayeri celebróse a les cinco la tarde la preba final del IV Concursu a les Meyores Sidres y Derivaos de la Mazana Ellaboraes n’Asturies. Tastiárense amueses de sidre natural de mesa, de sidre esplumoso, de sidre de xelu, aperitivos de mazana, auguardientes y vinagres.
Los galardonaos fueron: ‘1947’ de Viuda de Angelón como meyor sidre de nueva espresión; ‘Prau Monga’ del mesmu llagar como meyor sidre con carbonu endóxenu; ‘Angelón Brut’ –tamién de Viuda de Angelón– como meyor sidre con carbónu esóxeno. L’entítulu al meyor aperitivu llevólu ‘Roxmut’ del llagar Castañón, mentes que la meyor sidre de xelu foi pa ‘Valverán’ de Pumaraes y Llagares de Sariegu. El premiu al meyor vinagre ganólu ‘Llagar de Oles’ de Martínez Sopeña Hermanos; ‘Alquitara del Obispo’ de la casería San Juan del Obispu ganó’l meyor auguardiente y, finalmente, ‘La naveta brut’ de Paca Tola y Bebidas fízose col gallardón a otros derivaos.
El llugar onde se llevo a cabu’l certame foi nel Llagar de Lolina. El xuráu tuvo compuestu por José Ruíz de la Peña, Carlos Velasco Acebal, Jesús González Ponte, José Cao, Juan Granda Rivero, Francisco José Álvarez, toos ellos miembros de l’Asociación Asturiana de Sumilleres, dirixíos pol presidente del xuráu Ceferino Cimadevilla.
