El so nome ye Pomarina y ta apautada na Denominación d’OrixeProtexía.
LA SIDRA.- La XII Presentación de la Collecha y la VII Edición del Salón de la DOP Sidre d’Asturies que se cellebró nel Recintu Ferial de Mieres del Camín sirvió comu escenariu por que Grupu El Gaitero diere a conocer el so nuevu productu: Pomarina Sidre Natural. Magar esta empresa ye llargamente conocíaa polos sos productos esplumosos, agora yá podemos tastiar la so sidre a la manera tradicional asturiana, echándola y bebiéndola en culinos.
Esta sidre a la vista tien un color mariellu payizu con reflexos doraos. Presenta en vasu con bon espalme y un pegue finu. En ñariz ye llimpia d’alta intensidá en cítricos y mazana maduro. En boca equillibrada, seca y persistente con final ácedu amargoso. Variedaes: Blanquina, De la Riega, Durona de Tresali y Regona. Ellaboración: maceración, prensáu y fermentaura a baxes temperatures.
Pesia que nos tiempos caberos El Gaitero yera conocío namás pola so sidre esplumosa, lo cierto ye qu’esti llagar tien una llarga tradición na ellaboración de sidre natural, que retoma agora con Pomarina, acoyía a la DOP y con una calidá garantizao.
