El prósimu 8 de xunetu, viéspora del entamu del Festival de la Sidre de Nava, entámase una mesa-coloquiu col entítulu: “Reflexones alrodiu’l Muséu de la Sidre: rialidaes presentes, y perspeutives de futuru.
LA SIDRA.- Entamada baxo la cordinación de Xuan de Con Redondo -Investigador en formación del Programa de Doctoráu n’Antropoloxía de la UNED- cuntará cola participación comu ponentes de los espertos Dr. Adolfo García Martínez, Dr. Juaco López Álvarez, Dr. Luis Benito García Álvarez, tando invitaes les organizaciones ya Istituciones que vienen darréu: Coperativa CAMPOASTUR, Asociación de Sidre d’Asturies (ASA), Conseyu Regulaor de la DOP Sidre d’Asturies, Gobiernu del “Principado”.
La situación del Muséu de la Sidre vien siendo motivu d’esmolecimientu cuasique dende’l so aniciu, pero ye nos años caberos cuandu más tan quedando n’evidencia les sos carencies, tantu istitucionales comu de programación y direición, costatándose una deriva folclorizante del mesmu, que tendríe la so másima espresión na so integración na sociedá Recrea.
Esta mesa-coloquiu sedrá una perbona ocasión pa esclariar cuala ye la so situación y les sos perspeutives de futuru.
