Paula Valero desixe “polítiques de proteición” pa la DOP “Sidre d’Asturies”.
LA SIDRA.- La diputada de Podemos Asturies, Paula Valero acudió’l pasáu martes al Salón de la Sidre DOP, que se cellebró en Mieres del Camín y que congregó a tolos profesionales del seutor. La parllamentaria Paula Valero recordó que los papeles filtraos por Greenpeace sobro les negociaciones sobro’l TTIP costataron que “les denominaciones d’orixe asturianes nun apaecen dientru’l llistáu de DOP qu’Europa va defender nes negociaciones colos EEXX”, polo que desixó “polítiques de proteición a nivel estatal y européru pa la denominación d’orixe de la sidre asturiano “si queremos qu’esta tea un futuru claru y una dimensión acullá de la nuesa comunidá autónoma” dixo, en referencia al nuesu país.
Demientres la so visita al Salón de la Sidre DOP, la diputada calificó los “Premios a la Collecha del añu 2016” comu “ún de los mayores sofitos al mundiu rural y al seutor agrariu” y felicitó a tolos productores de sidre que foren gallardonaos nesta edición,
La DOP, siñaló, ye l’únicu marcu que garantiza l’orixe de la mazana asturiana. Nesi sen, Paula Valero punxo de manifiestu la necesidá de “dar puxu al seutor productor de mazana de sidre y ampliar la denominación pa que puean incluyise más variedaes”.
