L’echaor ganó’l XXXI concursu d’echaroes cellebráu en Mieres.
LA SIDRA.- El pasáu 22 de xunu cellebróse en Mieres del Camín el XXXI Concursu d’Echaores enartáu nes Fiestes de San Xuan. 25 fueron los echaores que participaren nel certame cellebráu na mui sidrera Plaza del Requexu, y qu’entamó a les 5 la tardi.
El trunfu foi pa Wilkin Aquiles de les sidreríes El Mallu, Jason Franco de las sidreríes El Madreñeru y Salvador Ondó, tamién de Sidreríes El Mallu. Asinamesmo, el premiu pal echaor llocal foi pa José Javier González de la sidrería Valles Mineros.
Nel prósimu númberu de LA SIDRA podremos llier un reportaxe más estensu d’Aquiles, Ondó y Jorge Vargas –actual campión d’echaores 2015-. Na seición “Actualidá sidrera” saldrá un reportaxe sobro les sidreríes El Mallu n’ónde Ernesto Álvarez, que les rexenta, siñala la importancia de cuntar con echaores profesionales p’asina da-y a la sidre’l respetu y curiáu que merez.
