Tres doce años de trabayu, el prósimu 30 de xunu va rematar la so rellación llaboral col Conseyu.
LA SIDRE.- Reyes Ceñal, xerente del Conseyu Regulador de la DOP Sidre d’Asturies anunció per mediu d’una carta de despidía que’l prósimu 30 xunu va terminar la so rellación llaboral col citáu Conseyu. Doce años que definió comu “una esperiencia llaboral y granible”.
“Quedo col arguyu y satisfaición de costruyir dende cero esti proyeutu, cola tranquilidá de dexar al Conseyu Regulaor nuna ventaxosa situación, y col deseyu de que siga’l so camín col mayor de los ésitos, pos ye ensin dubia una ferramienta fundamental pa xenerar valor y bayura pa toa Asturies. Treslládovos el mio sentimientu de ciñu por esti productu tan asturianu, que tres estos años d’esperiencies compartíes y comu asturiana que soi, voi llevar siempres na mio memoria” Sopelexó Ceñal nel escritu.
Coles mesmes estimó’l tiempu compartíu, destacó qu’el so trabayu otorgó-y un apasionante aprendizaxe; una importante meyora na so carrera profesional; y siñaló que la so decisión llega pola necesidá d’empecipiar una nueva etapa con nuevos retos y proyeutos profesionales
