Los nuevos restoranes de Nacho Manzano busquen representar tolos tipos qu’esisten n’ Asturies de la nuesa bébora emblemático. na so “carta de vinos”
LA SIDRA.- Los hermanos Esther y Nacho Manzano abrieron fai un par de selmanes los restoranes Gloria n’Uviéu y en Xixón. El primeru na ruta los vinos, y el segundu, no que yera l’antiguu Manacor. La gran calidá de la so cocina foi avalao por numberosos distintivos, ente ellos, trés estrelles Michelín. Fieles a la so ideoloxía de poner n’alto la gastronomía asturiana, cunten na so “carta de vinos” varios tipos de sidre. El so sumiller Juan García, edsplicó a esta revista los motivos de cuntar con esta seleición: “Dende va cuatro años aprosimao, nos restoranes de Nacho Manzano, representamos na nuesa carta toes los tipos de sidre qu’hai en Asturies, al igual que toles formes de producción de la mesma. Por eso, tenemos equí en Gloria Xixón, dos palos de sidre natural que mos presten provenientes de dos zones de produición comu son Nava y Sariegu: sidre Zapatero y sidre Foncueva d’Escoyeta.
Tocantenes a les sidres DOP, tenemos representación de sidre esplumoso colos dos métodos d’ellaboración; como ye’l champagnoise con segunda fermentadura en botella; y el Gran Bas, con segunda fermentadura en depósitu d’acieru inosidable. Nesti postrer métodu, tamién intentemos representar toles zones de producción por ello tenemos Emilio Martínez y Prau Monga. Coles mesmes cuntamos con sidre que nun ye DOP y que ta bien, perbién como’l casu de Riestra de Sariegu y Panizales de Mieres. En cuantes al métodu Gran Bas, tenemos una sidre de Xixón comu ye Poma Áurea, Viuda de Angelón, de Nava, y Pomarina de Grupu El Gaitero de Villaviciosa. Y pa finar, tamién tenemos sidres de xelu: Panizales, Valverán y Diamantes de Xelu. Nós, al igual que defendemos los productos y platos asturianos comu los tortos, la fabada o un pitu caleya, creyemos bramente que la sidre tien un buecu na alta gastronomía”.
