Los tres llagares yá confirmaren la so participación na I Feria’l Turismu Mineru
LA SIDRA.- La Feria llevaráse a cabu los díis 4 y 5 xunu n’El Pozu Sotón de L’Entregu y habrá una abondosa variedá d’actividaes rellacionaes col ámbetu mineru asturianu. Los llagares Alonso y L’Allume de Llangréu y La Llarada de Tinéu participarán nesta cellebración poniendo la sidre pa la degustación que tendrá llugar el domingu de magar les 13.00 hores, demientres l’actuación del grupu Nuberu, que durará una hora aprosimao.
L’oxetivu de la feria nun ye precisamente dar puxu a l’actividá minera, agora que les polítiques aplicaes dende Madrid fixeron hestoria d’ella, sinon dar a conocer la ufierta turística de les comarques mineres asturianes.
Pa ello proyeutárense actividaes pa neños, talleres, actuaciones musicales, degustaciones gastronómiques, esibición de llabores mineres, esposiciones artístiques y conferencies sobro Padrimoniu Asturianu.
