Coincidiendo col VIII Festival Plenilunio, Camargu recupera la so fiesta de la sidre.
LA SIDRA.- La sidre sigue garrando puxu n’Asturies de Santillana y Tresmiera, y Camargu recupera la so fiesta de la sidre que tres unos años d’ausencia cellebrarán el prósimu 24 xunu, nel Parque de Cros de magar les 20.30 hores, y que tendrá un preciu perafayaizu, darréu que por 2 € que costará’l vasu comemorativu podrá esfrutase d’una preba de sidre de llagares asturianos d’un llau y otru de Tina Mayor, asina comu d’un chorizu a la sidre.
Tres la preba de sidre, entamará’l VIII Festival Plenilunio de Música Folk del Ayuntamientu Camargu, nel marcu de les Fiestes de San Xuan 2016, que cuntará coles actuaciones de Nando Agüeros y los sos músicos y de Landeral, y tamién nesi díi llevaráse a cabu’l III Alcuentru de Bandes de Gaites de Camargu.
Sidre y gaita, comu cualisquier folixa asturiana que se precie.
