L’Asociación pal Fomentu de la Sidre Tradicional Asturiana va formar a 12 presones pa que puean actuar comu xuraos de los concursos de sidre casero.
LA SIDRA.- L’oxetivu d’esti cursu ye dar una formación y xuncir criterios ente les presones que participen comu xuraos nos concursos de sidre pa que conozan cualos son los criterios a siguir a la hora de puntuales. El prósimu 4 xunu quedará abiertu’l plazu pa les iscripciones, y ente tolos que s’apunten esbillaráse una docena nes prebes gustatives que se fadrán los díis 9 y 10, escoyéndose los participantes en función de los resultaos.
El cursu impartiráse los xueves, del 23 de xunu al 14 de xunetu n’horaiu de tardi. Nellos, Tano Collada desplicará les proiedaes gustatives de la sidre, Pedro Ramas, les golfatives, y los sos defeutos y virtúes, Javier Riestra l’aspeutu visual y el comportamientu nel vasu y Maximino Villarrica desplicará les diferiencies ente la sidre casero y la industrial.
