La sidre podrá presentarse del 23 al 26 de mayu, y namás podrán participar nel mesmu los ellaboraores que residan y faigan la sidre en Sieru.
LA SIDRA.- La sidre podrá presentase, de magar les 20 hores nes antigües escueles de Feleches, sé de la Sociedá de Festexos Corpus Christi, entamaora del eventu. Les tres primeres sidres clasificaes representará a Sieru nel concursu de sidre casero d’Asturies d’esti añu.
Ca participante tendrá d’apurrir una caxa de doce botelles de formatu tradicional y ensin distintivos de denguna triba. El xuráu tará formáu por cinco especialistes que fadrán una preseleición el vienres 27 mayu a les 19:30 nes antigües escueles de Feleches. D’ahí pasarán cinco concursantes a la fina del domingu 5 de xunu a les 13 hores, na carapa de les fiestes del Corpus Chirsti.
El concursu de sidre casero de Feleches ye l’únicu que se cellebra nel conceyu Sieru, y l’añu pasáu participaren una trentena productores. L’eventu cunta cola collaboración de l’Asociación de Vecinos de Feleches y el Clú Sierense d’Amigos de la Mazana.
