A les 17:00 va tener llugar el concursu d’echaores puntuable pal XXIII Campionatu Oficial d’Asturies.
LA SIDRA.- El prósimu sábadu 7 de mayu va cellebrase en Sotrondio’l IX Certame de la Sidre nel que se va llevar a cabu un concursu d’echáu, el primeru que puntúa pal XXIII Campeonatu Oficial d’Echaores d’Asturies.
La cellebración va empecipiar a les 13:00 hores na Plaza’l Conceyu cola actuación de Coral San Martín y va durar fasta les 14:30. A les 17:00 hores va dar entamu’l concursu d’echaores siguíu de la preba de sidre. Y de magar les 23:30, les orquestes asturianes Versión Orixinal y Grupu Distritu Nueva amenizarán la velada.
Nesta edición los llagares que van participar son once: Fonciello, Arbesú, Coru, Vallina, Zapatero, Menéndez, Castañón, Viuda de Angelón, Cortina, L’Argayón y L’Allume. Envalórase que se van echar fasta milenta llitros de sidre. El certame foi entamáu pola Sociedá Cultural y de Festejo San Martín de Tours en collaboración col Conceyu de Samartín del Rei Aureliu.
