L’eventu sidreru naguróse con un pregón y un “showcooking”
LA SIDRA.- Entamada pola asociación Entaína Ribeseya, la Folixa de la Sidre escomenzó con un pregón, y un “showcooking” impartíu pol cocineru llocal Lluis Nel Estrada, y lleva desendolcando nestos díis toa una fargatá d’actividaes.
Pa güei sábadu ta previsto un conciertu de “Pop Piquiñín” y a les 13 hores l’actuación de los alunos de la Escuela de Música Tradicional. A les 14 hores espicha abierta previa merca del vasu de la Folixa, y a les 18 hores xuegos tradicionales nel cai, pa continuar coles partíes de bolos y de magar les 10 de la nuechi, conciertu con “La Nueve”, “Duerna” y “Skama la Rede”.
El domingu 24 tendrá llugar el concursu de sidre casero, l’actuación d’Anabel Santiago y los sos alunos d’asturianada, la final de bolos y un concrusu d’echaores. Pela nuechi sedrá’l conciertu de Chus Pedro y el campionatu mundial de trompetilles.
Arriendes d’ello, los chigres collaboraores, ufren estos díis una perinteresante ufierta de cazuelina con botella sidre, por 4 €
