Esti domingu 24 d’abril cellebraráse la décimo sétima edición de la Preba de la Sidre de Gascona, cola participación de 18 llagares.
LA SIDRA.- Col artista Rodrigo Cuevas en calidá de pregoneru, la Preba entamará a les 12 del meudíi y nella participarán los llagares Buznego, Castañón, Cortina, El Gobernador, Fonciello, Foncueva, Herminio, JR, L’Argayón, La Llarada, Menéndez, Muñiz, Orizón, Roza, Trabanco, Vallina, Vigón, Viuda de Angelón y Viuda de Corsino, que son los que distribúin la so sidre a los chigres de Gascona.
Comu davezu, pondráse a dimposición de los asistentes un vasu por tres euros col que podrán prebar la sidre de los llagares enantes mencionaos. Xunto col vasu, amiéstase un pañuelu y una fueya de votación cola que decidir cuala ye la meyor sidre por votación popular.
Asina mesmo, habrá un xuráu d’espertos que designará la sidre ganaora na categoría oficial y que se dará a conocer alrodiu les 3 de la tardi.
Al empar que se cellebra la preba, los chigres de Gascona ufiertarán unes xornaes gastronómiques onde la sidre sedrá la protagonista.
