Penúltimu xueves de la 4ª Amuesa de cancios de chigre en Gascona, y vienres de bandina… comu davezu.
LA SIDRA.- La 4ª Amuesa de cancios de chigre qu’entama Gascona, va finando, y esti xueves ye’l penúltimu de la mesma, actuando los grupos Jóvenes Carrozas d’Uviéu na sidrería La Pumarada, Peña Careses en La Manzana, Anabel Santiago en Tierra Astur y el Coru Errante na sidrería Villaviciosa.
Hai de remembrar que lo de canciar en chigre ta espresamente prohibío pola llexislación del “Principado”, que curiosamente si contemplaba esta posibilidá pa los “tablaos flamencos”. Fortunosamente la movilización social consiguió qu’esta amuesa de despreciu a tolo asturiano y de represión sistemático a la nuesa cultura finara, tando comprometíu’l mencionáu ente autonómicu a camudar la llexislación pa permitilo.
