La presentación pública del vermú “Roxmut” nel llagar Castañón resultó tou un ésitu, tantu pola orixinalidá y calidá del productu comu pola organización del actu y l’atención de los anfitriones.
LA SIDRA.- Ellaborao con más d’un 80% de sidre, unos quince graos d’alcol y macerao 3 meses en barrica, el vermú Roxmut da-y un auténticu ximielgón al seutor sidreru con un inesperáu productu que llega dimpuestu a francer coles llendes que tradicionalmente se-y apliquen a la sidre, reivindicando la so capacidá pa dar rempuesta a toa triba de propuestes enolóxiques, abriendo nueos mercaos que fasta agora paecíen imposibles d’algamar pa la sidre. .
De collor ambarín rellumante, con arumes ácidos propios de la mazana de sidre y saborgu secu y amargu con toques de fuste, sigún desplicó Julián Castañón, llagareru del mencionáu llagar, la empresa va invertir 600.000 euros pa producir 200.000 botelles nos prósimos años, nel comencimientu de que ye perafayaizu comu aperitivu.
Al actu de presentación, que tuvo llugar nel propiu llagar, acudieron cientos de presones, siendo conducíu pol actor Alberto Rodríguez y asistiendo Alejandro Vega, alcalde Villaviciosa, y la conseyera de Desendolcu Rural, Mª Jesús Álvarez.
