El llagar Castañón presenta güei al meudíi el so vermú de sidre.
LA SIDRA.-Nel so enfotu y necesidá por anovar, la sidre cobra nueos formatos. El postreru, idegáu pol Llagar Castañón, xunce les condiciones perfeches pa tomar comu aperitivu, d’esta miente, Castañón ellabora una bébora de sidre perafayaiza pa tomar comu vermú o cóctel, una compuesta, un vermú de sidre.
La esperiencia de tres xeneraciones trabayando nel seutor y les ganes de meyorar, fexeron posible la ellaboración de Roxmut.
Nes sos pallabres “Foi una idega comentando con amigos d’hostelería falaben que’l vermú ta consumiéndose otra vegada y ca vuelta más, entós camentemos si nós podíemos facer una bébora d’esti tipu. Punxémosmos a ello y dempués de dos años de prebes conseguímoslo. Tamién tamos con otres bébores de sidre”.
Dende LA SIDRA dámos-yos la norabona por esti escelente productu, y quedamos a la muera de más novedaes que de xuru dirán apaeciendo.
