Na xornada d’ayeri quedaron sellecionaes: Estrada de Nava, La Morena de Sieru, Riestra de Sariegu, Viuda de Angelón de Nava, Solleiro de Taramundi, Cabueñes de Xixón y Los Gemelos de Villaviciosa.
LA SIDRA.- La Sidrería El Otru Mallu foi l’escenariu de la primer etapa de la III edición del concurso La Meyor Primer Sidre L’Añu, cola particiación de 43 llagares, lo qu’asitia esti concursu ente los más importantes del país en númberu participantes.
Les sidres selleicionaes nesta primer xornada foron: Estrada de Nava, La Morena de Sieru, Riestra de Sariegu, Viuda de Angelón de Nava, Solleiro de Taramundi, Cabueñes de Xixón y Los Gemelos de Villaviciosa.
La final cellebraráse güei na mesma sidrería a les 17 hores, siendo l’asistencia a les delliberaciones abierta al públicu y con puntuación a la vista pa los asistentes, pero non pal xuráu. Al términu del concursu los asistentes que-yos peta podrán prebar les sidres finalistes.
El xuráu ta presidíu por Manuel Busto, y constituido por Joaquín Fernández, Guti de la Barrera, Ricardo Ríos y Eloy Gómez . Pal serviciu d’echaores cúntase colos meyores d’Asturies: el campión d’Asturies 2015, Jorge Vargas y los venceores n’otres ediciones Wilkin Aquiles y Salvador Ondó.
La sidre premiao sedrá la oficial de la VII edición de la Primer Sidre L’Añu, la espicha más grande d’Asturies, que marca el entamu de la temporada sidrera y que se cellebrará del 24 al 27 de marzu nel Museú del Pueblu d’Asturies en Xixón.
