Sidrastur entregará’l prósimu 5 de marzu’l premiu a la etiqueta más guapina d’Asturies.
LA SIDRA.- El grupu de colleicionismu sidreru, Sidrastur, del que ye presidente Javier Carriles, cellebrará la so so xinta añal de socios na Sidrería El Culete, de Xixón, demientres la cuala fadrán entrega de la I Edición de la Etiqueta más guapina d’Asturies al representante del llagar premiáu.
Sidrastur ye la organización de colleicionismu sidreru más importante’l país, y arriendes de les actividaes propies de colleicionismu, tamién fain esposiciones y actividaes de divulgación de conteníu sidreru, col enfotu d’esparder esta afición que dende qu’entamaron a ser obligatories les etiquetes va a más díi ente díi.
El gallardón concedíu pretende dar puxu a una ca vegada mayor calidá nel diseñu de les etiquetes de sidre, nel comencimientu de la importancia que tienen comu espresión esterna del productu, y a lo cabero, del mesmu país.
