El llagar Viuda de Angelón, ta faciendo agora mesmo’l degüellu de la so sidre brut Prau Monga Reserva.
LA SIDRA.- El llagar navetu, ún de los pioneros na diversificación de la sidre asturiana, ente ello una impresionante sidre brut, ta faciendo aggora’l degüellu de la que sedrá la so sidre Prau Monga Reserva.
Nel vidiu qu’alxuntamos, xentileza del gastrónomu David Castañón, autor del blog Les Fartures, y collaboraor avezáu de LA SIDRA, podemos ver un momentu del procesu, artesanal dafechu, y que promete una sidre de la meyor calidá, comu ye norma del llagar.
Dende LA SIDRA préstamos participar na midía de les nueses posibilidaes nel importante xorrecimientu de les nueves sidres asturianes, ca vuelta más reconocíes nos mercaos internacionales y que n’Asturies entá nun cunta cola reconocencia que merez. Vaiga dende equi’l nuesu sofitu a los llagareros que tan trabayando nesi campu, y l’enfotu al conxuntu de la sociedá asturiana pa qu’esfrute d’estes nueves sidres, tan nueses comu la sidre natural.
sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr
