Un estudiu del SERIDA recueye la presencia de dos plagues del ocalitu qu’afeuten al pumar.
LA SIDRA.- Los males del ocalitu, esa especie alóxena que xorrez per tol país gracies a les polítiques forestales del “Principado”, col que se sustitúi la viesca autóctona asturiana y se contribúi a los incendios poles sos carauterístiques pirolítiques, tamién afeuten al pumar.
Un estudiu del SERIDA, rializáu por Marcos Miñarro, Aitor Somoano y Rocío Rosa García, deteutó la presencia en pumares asturianos de dos inseutos esóticos fasta agora conocíos namás nos ocalitales, y enxamás nun deteutaos en dengún de los estudios sobro la fauna d’inseutos nes pumaraes d’Europa, y que se desplica n’Asturies por ser l’únicu país européu nel que coesiste nel mesmu territoriu el cultivu del pumar y del ocalitu con esa intensidá.
El mayor riesgu d’estes plagues pa los pumares dependeríe de si:
- Puen completar el so ciclu vital nel pumar y algamar densidaes poblacionales ellevaes.
- Si estos inseutos pudieren estender la fitoplasmosis.
Fasta agora nun hai rempuestes a estes preguntes, namás la costatación de la esistencia d’estes dos nueves plagues por mor de la masificiación d’ocalitales que carecemos n’Asturies.
sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr
