Sidre Trabanco dará l’afayaivos a los asistentes, y tará nel estand del Ayuntamientu Xixón, la DOP “Sidre d’Asturies” cuntará con estand propiu igual qu’El Gaitero que tamién presentará maridaxes cola so sidre, y LA SIDRA cubrirá l’eventu.
LA SIDRA.- Los asistentes a Madrid Fusión el prósimu llunes, sedrán recibíos con un culete de Sidre Trabanco, que tará presente tamién cola so brut nature nel Poma Áurea, nel estand del Ayuntamientu Xixón “Xixón Gastronómicu”.
Pel so llau El Gaitero tará presente con dellos de los sos productos más especiales, y los tres díis del congresu, de 12 a 14 hores amosará la versatilidá de les sos sidres al traviés d’orixinales maridaxes.
Asina mesmo, la DOP “Sidre d’Asturies” participará tamién activamente, con un estand propiu nel espaciu Enofusión, onde amosará a los meyores enólogos, sumilleres, distribuidores, hoteleros, restauraores, prensa especializao y espertos en gastronomía que la sidre ye un productu de tendencia y que les amparaes baxo la DOP Sidre d’Asturies alcuéntrese ente les meyores del mundiu.
A too ello, LA SIDRA cuntará con una corresponsal nel eventu, Estíbaliz Urquiola que recoyerá les principales noticies tantu na ueb lasidra.as, comu na edición de LA SIDRA del mes de febreru.
