Los datos apurríos pol conseyu regulaor de la DOP apunten a un xorrecimientu calteníu dende’l so aniciu.
LA SIDRA.- Los datos de la sidre DOP del 2015 siguen dando allegríes: 3.769.754 kilos de mazana de les 22 races autorizaes, que dieron llugar a una ellaboración de 2.803.933 llitros de sidre dulce, datos colos que se supera’l récor anterior, de la campaña de 2013, con 2.600.793 kilos de y 1.923.614 llitros de sidre dulce.
Asina mesmo, la meyora de la produición dende’l aniciu de la DOP, acarreta tamién un xorrecimientu notabrle nel númberu contraetiquetes, qu’esti añu algama les 1.738.000, 61.000 más que l’añu pasáu
.
Sigún desplicaciones del conseyu regulaor, nes ventes d’esti añu caltúvose la tendencia alcista nun 4% respeutu a 2014, xorrecimientu que yá viniera precedíu d’un 20% lo que dexa nidio el ca vegada mayor interés que ta algamando esta sidre de calidá por parte del consumidor.
