L’apaición d’una marca de sidre de xelu comercializada dende’l País Vascu xenera espeutación nes redes sociales, énte la que sedríe la primer sidre de xelu del Estáu non ellaborada n’Asturies.
LA SIDRA.- “El Oro”, esi ye’l nome de la sidre de xelu que vien d’apaecer nel mercáu y que se comercializa pel Grupu Ajdos, asitiáu n’Erandio, agora bien, en dengún llau apaez el llagar nin el llugar d’ellaboración d’esa sidre de xelu, colo que too paez indicar más bien que se trata d’una sidre de xelu comercializada por esa empresa vasca, pero ellaborada n’otru llugar… probatiblemente n’Asturies, y si mos fixamos nel tipu botella fasta podríemos aldovinar el llagar que la ellabora.
Seya comu fuere, lo cierto ye que más ceo que sero, la sidre de xelu tamién acabará esistiendo nel País Vascu, lo mesmo que la sidre brut o les nueves sidres yá son una rialidá, y dende Asturies namás mos queda felicitar a los collacios vascos pol desendolcu d’estes nueves variedaes de sidre, coles qu’esperamos cuntar en prósimes ediciones del SISGA.
Eso sí, ellos tienen una ventaxa clara, tienen un gobiernu propiu, mentes que nós tenemos un “Principado” que sigue cellebrando los actos oficiales con “vinu español”, pero esi yá ye otru tema.
sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr
