Jorge Varas ganó’l premiu al Meyor Echaor 2015 llevando la Montera Picona d’Oru qu’otorga la bona confradería de los siceratores. La Sidrería el Mallu ganó’l premiu nel concursu por chigres.
LA SIDRA.- El Campionatu Oficial d’Echaores 2015 fexo entrega de los gallardones d’esti añu nes istalaciones de Casa Cortina, en Villaviciosa, onde tovieron presentes gran parte de los representantes del seutor sidreru.
Na lliga de sidreríes la primera foi El Malllu (Xixón), seguía de Manolo Jalín y El Madreñeru (La Pola siertu) en segundu llugar, y de Fonte Villoria de Llugones en tercer puestu.
Esti añu, el premiu al meyor escanciaor, que recoyó la Montera d’Oru entregada pola Bona Confradería de los Siceratores d’Asturies, foi Jorge Varas, seguíu correllativamente per Wilkin Aquiles, Salvador Ondó, Jeison Franco, Loreto García, Pablo Álvarez, Jonathan Trabanco, Pablo Suárez, Moisés Martínez y Abrahan Castellanos
Pesia la falta de sofitu istitucional (al “Principado” estes coses nun-y interesen) y la falta d’una titulación específica d’echaor, impartía peles escueles d’hostelería asturianes, lo cierto ye qu’esti campionatu va a más nos tiempos caberos, con ca vuelta mayor seguimientu popular y mayor númberu de participantes cuya calidá ye bramente impresionante.
Más información en LA SIDRA 144 (Avientu’15)
