Noreña mayó sidre dempués de 20 años de presllar el postrer llagar del conceyu.
LA SIDRA.- La I Fiesta de la Mayada, entamada por infoNoreña, resultó tou un ésitu por más que’l tiempu nun acompangara, y ye que la variedá del programa y la participación popular superaron les inclemencies climatolóxiques que, per otru llau, son les propies del tiempu mayar.
Neños y mayores tovieren la oportunidá de mayar con mayu y con esmagayaora, y de facer sidre con un llagarín piqueñu y tamién nel llagarón montáu metanes de la carpa. Cuasi 1000 Kg de la meyor mazana asturiana que dieron una sidre’l duernu que supieron apreciar los asistentes al eventu.
Tasties guiaes, lleición maxistral d’echar sidre a cargu de Jeison Franco, concursu de dulce de mazana, tonada, actuaciones de la banda gaites…
Impresionante tamién el llabor de la Banda Gaites de Noreña, la participación del Ayuntamientu, con presencia y participación de l’alcaldesa en bien d’actividaes, la de l’Asociación de Comerciantes col so mercaín, la de los chigres que punxeron un menú especial pa la mayada y sobro manera la organización, que con pocos medios supo llevar alantre esti retu, que de xuru dirá a más en prósimos años
