Güei a la una entama la sétima edición de Xixón de Sidra, que fasta’l 18 d’ochobre implicará a 43 chigres y 40 llagares.
LA SIDRA.- Con ca vuelta mayor aceutación social, y col precedente del 2014 nel que s’echaron más de cien mil botelles, Xixón de Sidre ye l’eventu más importante d’estes carauterístiques a nivel mundial, talamente comu incidió’l xerente de Fenicia, entamaores del eventu, Iván de la Plata.
Esti añu’l preciu de la botella sedrá de 2.70 euros y de 3.70 euros pa los que quieran acompangar con una tradicional cazuelina, qu’en casu de ser cazuelona, saldrá en total a 4.70 euros.
Asina mesmo, los amantes de la sidre tamién actuarán de xuráu, pudiendo votar por quien camienten que ye’l meyor echaor, la sidre más prestosa, el meyor chigre, la meyor sidre y el meyor equipu de chigre y llagar. Y tamién habrá premios: un sortéu de 25 places d’un “master de sidre” nel llagar ganaor pa los que presenten los corchos de los 43 llagares participantes.
El “sidrobús” ye de nueu ún de los especiales atractivos a solliñar. Comu davezu rializará una ruta pelos estremaos chigres, y tará operarivu demientres les fines de selmana, de 20 a 23 hores, lo que facilitará siguir la ruta sidrera con tranquilidá, ensin tener que garrar el coche.
